malayali poliyalle – എന്റെ കഥകൾ

மழை வருது மழை வருது

മഴ… അതൊരു വികാരം തന്നെയാണല്ലേ.. എന്താണെന്നു അറിയില്ല.. ഇന്നിപ്പോ ഇവിടെ ചെന്നൈയിലും മഴ.. അതിശയമെന്ന് അല്ലാതെ ഇപ്പൊ എന്താ പറയ്യാ..മഴയെന്ന് പറഞ്ഞാൽ നല്ല കിടിലം മഴ..ഇടിവെട്ടും മിന്നലും കാറ്റും എല്ലാം കൂടി കാര്യങ്ങൾ ഉഷാറായി. ശക്തിയായി കാറ്റു വീശിയതോടെ അല്ലിയും കരച്ചിൽ തുടങ്ങി.“അയ്യോ എന്റെ അച്ഛനും അമ്മയും പറന്നു പോവുന്നേ..” കൊച്ചിന്റെ വിചാരം കാറ്റിന്റെ കൂടെ ഞങ്ങൾ പറന്നു പോവുമെന്നാ..പാവം കുട്ടി.. ഇതുപോലെ ആയിരുന്നു എന്റെ കുട്ടിക്കാലത്തും. നാട്ടിലെ മഴയെന്നു പറഞ്ഞാൽ ഭംഗിയുള്ള മഴയായിരുന്നു.. വീടിന്റെ വാതിൽക്കൽContinue reading “மழை வருது மழை வருது”

എന്റെ മറക്കാനാവാത്ത രുചിയനുഭവങ്ങൾ….

ഒരു കൂട്ടുകറി കഥയുടെ ഒരു തുടർച്ചയായി ഈ കുറിപ്പും ഇവിടെ ഇരിക്കട്ടെ.. മറക്കാനാവാത്ത ഒരു രുചിയാണ് ഞങ്ങൾ കുട്ടികൾ ഉണ്ടാക്കിയിരുന്ന പായസം. അതിന്റെ കഥ ഞാൻ മുന്നേ പറഞ്ഞതാണല്ലോ. ആദ്യം പറയുന്നത് എന്റെ മറക്കാനാവാത്ത അനുഭവം അല്ല, എന്റെ അമ്മയുടെ ആണ്. ഞങ്ങളും (ഞാനും എന്റെ ഏട്ടനും) അതിൽ പങ്കാളികളാണ്. കുട്ടികാലത്ത് ഇടയ്ക്കിടയ്ക്ക് അമ്മയുടെ ചേട്ടൻ സുരുമാമന്റെ വീട്ടിൽ പോവുന്നത് പതിവായിരുന്നു. മിക്കവാറും പോവുന്നത് വെള്ളിയാഴ്ച്ച വൈകുന്നേരം ആയിരിക്കും, തിങ്കളാഴ്ച്ച രാവിലെ തിരിച്ചു ഞങ്ങളുടെ വീട്ടിലേക്കു പോവും.കുട്ടിക്കാലത്ത്Continue reading “എന്റെ മറക്കാനാവാത്ത രുചിയനുഭവങ്ങൾ….”

ന്യൂ ഇയർ ഗിഫ്റ്റ്

“അച്ഛാ.. എത്ര നാളായി ഞങ്ങള് പറയുണു കെ എഫ് സി ചിക്കൻ കഴിക്കണംന്ന്. ഇന്ന് ന്യൂ ഇയർ അല്ലേ അച്ഛാ, ഇന്നെങ്കിലും വാങ്ങീട്ടു വരണേ..” രാവിലെ ഡെലിവറി ആപ്പിന്റെ ടി ഷർട്ടുമിട്ട് ഇറങ്ങാൻ നിൽക്കവേ ഹെൽമെറ്റ്‌ എടുത്തുകൊണ്ടുവന്ന മൂത്തോൾ അമ്മുവാണ് കെ എഫ് സി യുടെ കാര്യം പറഞ്ഞു വന്നത്. ഇളയോൾ കാർത്തു ചേച്ചിയുടെ വാലും പിടിച്ചു നിൽപ്പുണ്ട്. ഇതിപ്പോ വെക്കേഷൻ ആയതിൽ പിന്നെ എല്ലാ ദിവസവും ഇങ്ങനെയാണ്. രാവിലെ അവൻ ഇറങ്ങാൻ നിക്കുമ്പോൾ രണ്ടും കൂടിContinue reading “ന്യൂ ഇയർ ഗിഫ്റ്റ്”