Happiness – എന്റെ കഥകൾ

ചില സൗഹൃദങ്ങൾ അങ്ങിനെയാണ്..

പോളിടെക്നിക് കോളേജിൽ യന്ത്രങ്ങളുടെ പ്രവർത്തനം പഠിച്ച് ചെന്നൈയിലെ ജോലിയും അവസാനിപ്പിച്ച് തിരിച്ചു നാട്ടിലെത്തി എഞ്ചിനീയറിംഗിന്റെ ഉപരിപഠനത്തിനുള്ള എൻട്രൻസ് പരീക്ഷയ്ക്കുള്ള കോച്ചിംഗ് ക്ലാസിനെത്തിയതായിരുന്നു മനു. പരിചയമുള്ള ഒന്നോ രണ്ടു മുഖങ്ങളുണ്ടായിരുന്നെങ്കിലും നീണ്ട ഒരു ഇടവേളക്ക് ശേഷം പഠനത്തിലേക്ക് വന്നതിന്റെ ഒരു അങ്കലാപ്പും പരിഭ്രമവും അവന്റെ മുഖത്ത് നിഴലിച്ചിരുന്നു. ഒപ്പം വല്ലാത്ത ഒരു പേടിയും. ചെന്നൈയിലെ ജോലി അവസാനിപ്പിക്കാൻ തയ്യാറെടുക്കുമ്പോൾ അച്ഛൻ പറഞ്ഞത് അവന്റെ തലയ്ക്ക് മുകളിൽ ഒരു കോടാലി പോലെ തൂങ്ങി കിടന്നിരുന്നു. “ജോലി രാജിവെയ്ക്കുന്നതൊക്കെ കൊള്ളാം, മര്യാദക്ക്Continue reading “ചില സൗഹൃദങ്ങൾ അങ്ങിനെയാണ്..”

എടാ.. ഞാൻ അറിയാതെ… Part 2

சென்னையில் நாட்கள்(Days in Chennai) ഹോസ്റ്റൽ ഗേറ്റിലെ അന്നത്തെ സംഭവത്തിന് ശേഷം 2-3 ദിവസം എനിക്കവനെ കാണാനോ സംസാരിക്കാനോ എന്തിനൊന്നു മെസ്സേജ് അയക്കാൻ പോലും സാധിച്ചിരുന്നില്ല. എനിക്കെന്താണ് സംഭവിച്ചതെന്നോ സംഭവിച്ചുകൊണ്ടിരിക്കുന്നതെന്നോ മനസ്സിലായതേയില്ല. എന്നാൽ ഒന്നുമാത്രം മനസ്സിലായി., അവനെ കാണാതെ അവനോട് സംസാരിക്കാതെ ഇരിക്കുന്ന ഓരോ നിമിഷവും എത്ര പ്രയാസമേറിയതായിരുന്നുവെന്ന്, അവനെനിക്ക് എത്രത്തോളം പ്രിയപ്പെട്ടവനാണെന്ന്, അവനെ എനിക്കൊരുപാട് ഇഷ്ടമാണെന്ന് . എന്നാലും തുറന്നു സമ്മതിക്കാനൊരു പ്രയാസം. ഈ 2-3 ദിവസവും അവൻ എന്നെ വിളിക്കുകയും മെസ്സേജ് അയക്കുകയും എല്ലാംContinue reading “എടാ.. ഞാൻ അറിയാതെ… Part 2”

എടാ.. ഞാൻ അറിയാതെ…

കേരളത്തിലെ ഒരു പ്രമുഖ എഞ്ചിനീയറിംഗ് കോളേജിൽ നിന്നു പഠിച്ചിറങ്ങി ക്യാമ്പസ്‌ സെലക്ഷനിൽ തന്നെ ജോലിയും തരപ്പെടുത്തി ചെന്നൈയിലെത്തിയതിനു ശേഷം ജീവിതം ഓഫീസിലേക്കും താമസിച്ചിരുന്ന ബന്ധുവിന്റെ വീട്ടിലേക്കും അതിനിടയിലെ ബസ് യാത്രയിലേക്കും ചുരുങ്ങിയത് വളരെ പെട്ടെന്നായിരുന്നു.അങ്ങനെ പറയത്തക്ക ഒരു സുഹൃത്ത്‌ പോലും ഇല്ലാതെ ഓഫീസ്, വീട്, മൈലാപൂരിലെ അമ്പലങ്ങൾ, മാർഗ്ഗഴി മാസത്തിലെ കർണാട്ടിക് സംഗീത കച്ചേരികൾ, ഇടക്കെപ്പോഴെങ്കിലും സാന്തോം ബീച്ച്. അങ്ങിനെ ജീവിതം വളരെ ചുരുങ്ങി ശോഷിച്ചു പോയിയെന്നത് ഞാൻ മനസ്സിലാക്കിയതുതന്നെയില്ല. ഒരു വെയ്റ്റിംഗ് ലിസ്റ്റ് ടിക്കറ്റും അതുവഴികിട്ടിയContinue reading “എടാ.. ഞാൻ അറിയാതെ…”

എന്റെ മറക്കാനാവാത്ത രുചിയനുഭവങ്ങൾ….

ഒരു കൂട്ടുകറി കഥയുടെ ഒരു തുടർച്ചയായി ഈ കുറിപ്പും ഇവിടെ ഇരിക്കട്ടെ.. മറക്കാനാവാത്ത ഒരു രുചിയാണ് ഞങ്ങൾ കുട്ടികൾ ഉണ്ടാക്കിയിരുന്ന പായസം. അതിന്റെ കഥ ഞാൻ മുന്നേ പറഞ്ഞതാണല്ലോ. ആദ്യം പറയുന്നത് എന്റെ മറക്കാനാവാത്ത അനുഭവം അല്ല, എന്റെ അമ്മയുടെ ആണ്. ഞങ്ങളും (ഞാനും എന്റെ ഏട്ടനും) അതിൽ പങ്കാളികളാണ്. കുട്ടികാലത്ത് ഇടയ്ക്കിടയ്ക്ക് അമ്മയുടെ ചേട്ടൻ സുരുമാമന്റെ വീട്ടിൽ പോവുന്നത് പതിവായിരുന്നു. മിക്കവാറും പോവുന്നത് വെള്ളിയാഴ്ച്ച വൈകുന്നേരം ആയിരിക്കും, തിങ്കളാഴ്ച്ച രാവിലെ തിരിച്ചു ഞങ്ങളുടെ വീട്ടിലേക്കു പോവും.കുട്ടിക്കാലത്ത്Continue reading “എന്റെ മറക്കാനാവാത്ത രുചിയനുഭവങ്ങൾ….”

ഒത്തുചേരൽ – 2 @ 2023

ഡൽഹിയിലേക്ക് പോവുന്നതിനു കെട്ട്യോളേം കൊച്ചിനേം നാട്ടിൽ കൊണ്ടുവിടാൻ പോയപ്പോൾ എല്ലാ തവണത്തെയും പോലെ ഗ്രൂപ്പിൽ മെസ്സേജ് ഇട്ടു, ‘ഞങ്ങൾ നാട്ടിലെത്തി ട്ടാ’കാക്കച്ചിയുടെ മറുപടി ഉടനെ വന്നു‘അതിനു?’ഇതും പതിവാണ്. പക്ഷേ അന്ന് പതിവില്ലാതെ ഉണ്ടപ്പന്റെ മെസ്സേജ് വന്നു (ഗ്രൂപ്പിൽ അല്ല, DM)“ടാ, നീ എന്നാ തിരിച്ചു പോവുന്നേ?”“ഹായ് ടാ, ഞാൻ തിങ്കളാഴ്ച രാത്രി തിരിച്ചു പോവും”“ആണോ, ഇനി എന്നാ വരാ?”“ഞാൻ, ഡൽഹിയിൽ ന്ന് മാർച്ച്‌ 11 ശനിയാഴ്ച തിരിച്ചു വരും, എന്നിട്ട് അനുവിനേം അല്ലിയേം കൂട്ടി ചൊവ്വാഴ്ച അല്ലെങ്കിൽContinue reading “ഒത്തുചേരൽ – 2 @ 2023”

ഒരു കൂട്ടുകറി കഥ..

വീണ്ടും കാക്കാത്തുരുത്തിയിലെ ഒരു കുട്ടിക്കാല ഓർമ്മകുറിപ്പ് ഇത് കൂട്ടുകറി ഉണ്ടാക്കിയ കഥയല്ല. കൂട്ടുകറി കഴിച്ച കഥയാണ്. കാക്കാത്തുരുത്തിക്കാരുടെ ജീവിതത്തിൽ മാറ്റിനിർത്താൻ കഴിയാത്ത മറ്റൊരു കാര്യമാണ് കുറ്റിലക്കടവ് ആശുപത്രി. മാരകമല്ലാത്ത എന്ത് അസുഖത്തിനും നമ്മുടെ കുറ്റിലക്കടവ് ആശുപത്രിയിൽ ചികിത്സയുണ്ട്. തൊണ്ണൂറുകളിലെ സിനിമയിൽ ഒക്കെ കാണുന്നതുപോലത്തെ ഒരു ടിപ്പിക്കൽ സർക്കാർ ആശുപത്രി. രാവിലെ മാത്രമാണ് ഒ.പി ഉള്ളത്. അതിനാൽ രാവിലെ നല്ല തിരക്കായിരിക്കും. ഉച്ചക്ക് ശേഷം എമർജൻസിയായി വരുന്നവരെ ചികിൽസിക്കാൻ ഒരു ഡ്യൂട്ടി ഡോക്ടർ കാണും. മൂപ്പര് മിക്കവാറും അവരുടെContinue reading “ഒരു കൂട്ടുകറി കഥ..”

ചൂരൽകഷായം..

“അച്ചൂ.. ഒരുപാടു ആവുന്നുണ്ട് നിന്റെ കുരുത്തക്കേട്..അച്ഛൻ വരുമ്പോൾ നല്ല ചൂരൽ കഷായം കിട്ടും ട്ടാ നിനക്ക് “ അമ്മയുടെ വായിൽ നിന്നു ഈ ഒരു ഡയലോഗ് കേൾക്കാത്ത ഒരു ദിവസം പോലും എന്റെ കുട്ടിക്കാലത്തു ഉണ്ടായിരുന്നിട്ടില്ല.എന്റെ മാത്രം അല്ല, എന്റെ കൂട്ടത്തിലെ എല്ലാരുടേം അവസ്ഥ ഇതൊക്കെ തന്നെ ആയിരുന്നു.. ചില ദിവസങ്ങളിൽ നേരം വെളുത്ത് പല്ല് തേക്കാൻ മടി കാണിക്കുന്നതിനു തുടങ്ങും അമ്മയുടെ വക ചൂരൽകഷായം. സ്കൂളില്ലാത്ത ദിവസങ്ങളിൽ ഞങ്ങൾ രാവിലെ ചായയും കുടിച്ചു ബോളും തെങ്ങിന്റെContinue reading “ചൂരൽകഷായം..”

59 ഇരട്ടി

ഇന്നലത്തെ 59 മിസ്സ്ഡ് കോളുകൾ കണ്ടൊരുപാട് ദേഷ്യപ്പെട്ടാണവൾ വിളിച്ചത്..കടുത്ത സ്വരത്തിലവൾ ചോദിച്ചു..‘നിനക്കെന്താ വട്ടാണോ?’ ‘അതെ, നീയെനിക്കിപ്പോൾ ഒരു തരം വട്ടാണ്’പതിഞ്ഞ സ്വരത്തിലവൻ പറഞ്ഞു. പിന്നെയും ഒരുപാട് പറഞ്ഞവൾ.ഇനി അവനെ വിളിക്കില്ലെന്നുപോലും..എങ്കിലുമവനുറപ്പായിരുന്നു അവൾക്കതിനാവില്ലെന്നു, അവനും.. പത്തു മിനിറ്റ് കഴിയുന്നതിനുമുന്നേ അവളുടെ മെസ്സേജ് വന്നു. ‘ഞാൻ നിന്നെ ഒരുപാട് സ്നേഹിക്കുന്നു. നീയോ?’ ‘നിന്നെക്കാൾ 59 ഇരട്ടി’ 🥰🥰

നാം.. നമ്മൾ.. നമ്മുടെ പ്രണയം..

ഇന്നലെയും ഒരുപാട് വഴക്കിട്ടു നമ്മൾ.ആ ദേഷ്യത്തിലും കണ്ടു കത്തിനിൽക്കും നിൻ പ്രണയം.മനം നിറഞ്ഞൊഴുകുന്ന പ്രണയം. പ്രണയം നമ്മെ സ്വാർത്ഥരാക്കുന്നു.ആരോ പറഞ്ഞതെത്ര സത്യം.ഇന്നും നീയെന്നോട് ചോദിച്ചു‘പിരിയുവാനല്ലേ നാം സ്നേഹിക്കുന്നത്?അകലുവാനല്ലേ നാം അടുക്കുന്നത്?’ ഒരു ദീർഘനിശ്വാസത്തോടെ അല്ലെന്നു പറഞ്ഞു ഞാൻ.ആണെന്നറിഞ്ഞുകൊണ്ട്..വഞ്ചനയാണെന്നറിഞ്ഞുകൊണ്ട്..എന്തോ.. അങ്ങനെ പറയുവനാണെനിക്ക് തോന്നിയത്. അതറിയാമെങ്കിലും തെല്ലൊന്നാശ്വസിച്ചു നീ.എന്നെ വിഷമിപ്പിക്കാതിരിക്കാനാവാം..സ്വയം വിഷമിക്കാതിരിക്കാനുമാവാം.. എങ്കിലും ഒന്ന് പറയട്ടെ.നിന്നിലലിഞ്ഞു ചേരാൻവെമ്പൽ കൊള്ളുന്നൊരു ഹൃദയമുണ്ടെനിക്ക്.നിനക്കായി മാത്രം തുടിക്കുന്ന ഹൃദയം…

കാൽപാടുകൾ

കാൽപാടുകളോരോന്നായിതീരത്തെ മണലിനോട് പടവെട്ടി മുന്നേറുമ്പോൾഎങ്ങിനെയെന്നറിയില്ലപിന്നിലാക്കിയ കാൽപാടുകളദൃശ്യമാകുന്നുആരോ സ്വന്തമാക്കുന്നപോലെആരോ പിന്തുടരുന്നത് പോലെഏയ്‌.. അദൃശ്യസുന്ദരീ…നടന്നെത്താൻ ദൂരമിനിയുമേറെ..പിന്തുടർന്ന് തളരുമോ നീ???